再無漫畫的年代???!!!

尼到有幾多人有睇開香港漫畫呢?

每次講親文化,很多人都自然會諗起文學,話劇 bra bra bra,唔知會唔會有人諗起漫畫呢?其實香港的漫畫發展都反映著香港的時代和文化變遷.

最近在網上forum看到一片討伐肥良的聲音,而他也在自己的專欄裡說要放手不再管"武神",會交由高手主理,自己就唔知退去邊到咁喎.我自已對肥良冇咩好感但聽到這個消息仍然不禁心中一緊.

其實港漫俾人話唔得都已經唔係一朝一夕的事."新著龍虎門"愈拖愈慢,愈來愈不知所謂,仲要不斷的出外傳,將d主角拉走晒,攪到正傳冇人...早陣子已經惹起大量長期讀者頂唔順發起要cut書,至於"天下(風雲)","黑豹"就一直都俾人話食老本,橋段十載不變(不過係事實....);"武神",算把啦....無敵的"CAP"神功(影印道,copy and paste),早以將佢變成最寂寞的一個,冇朋友,亦冇讀者..... 有時都不禁問到底問題出左那裡?

我就半年前已經cut左"黑豹","龍虎門"都係個多月前真係支持佢不住,cut埋."風雲"就其實都冇咩心機睇架喇,但有感情(話晒睇左咁多年),都仲係咁咦會睇下,但唔會好似早年咁期代佢出下一期.至於其他的新漫畫,如"神掌龍劍飛","天子6","神洲奇俠傳",龍虎門幾本外傳等全部都有睇,但真係全部都冇左令人想追下去的吸引力.連本來幾好的"四大名捕"和"火鳳燎原"都有愈來愈"爛"的傾向.或許仍然比較可觀的只係得番"和仔"本"殺道行者".

不過唔只港漫,一直追開的幾本日漫"結界師","Hunter X Hunter","Bleach 死神"和"Naruto火影忍者"都有點愈看愈乏味的感覺.到底是我的問題,還是我們已經步入一個再無漫畫可看的年代?